Утас+976-7054-6570
И-Мэйлinfo@shivee-ovoo.mn
Оффис ажлын цагДаваа- Баасан 8.30 - 18.00
ХАНШИЙН МЭДЭЭЛЭЛ

0

  |     |  
Дорноговь аймгийн өсвөр үеийн жүдо бөхийн аварга шалгаруулах тэмцээнд Л.Амаржаргал дасгалжуулагчтай баг тамирчид амжилттай оролцлоо.
2019/03/19

Дорноговь аймгийн өсвөр үеийн жүдо бөхийн аварга шалгаруулах тэмцээнд “Шивээ овоо” ХК-ийн дэргэдэх “Хаялга спорт клуб”-ийн  жүдо бөхийн Л.Амаржаргал дасгалжуулагчтай баг тамирчид амжилттай оролцож багаараа II байр эзэлсэн байна.
    Уг тэмцээнд 27 кг жинд Э.Нармандах алтан медаль, 30 кг жинд Л.Өнөтөгөлдөр хүрэл медаль, 34 кг жинд М.Эрдэнэбат алтан медаль, 55 кг жинд О.Энхбат алтан медаль, -60 кг жинд Т.Бумдорж алтан медаль, +60 кг жинд Б.Баярням мөнгөн медаль, 48 кг жинд Н.Марал-Эрдэнэ хүрэл медаль, 63 кг жинд Б.Билгүүнмөрөн мөнгөн медалийн эзэн болжээ.


Хөдөлмөрийн харилцаа
2019/03/12


1.    Ажилтан, ажил олгогчийн хооронд байгуулсан хөдөлмөрийн гэрээ

2.    Цалин хөлс

3.    Хөдөлмөр, нийгмийн зөвшлийн 3 талт харилцаа/хамтын гэрээ/

4.    Хөдөлмөрийн аюулгүй байдал, эрүүл ахуйн талаар

5.    Хөдөлмөрийн бүтээмж 

НЭГ. Ажилтан, ажил олгогчийн хооронд байгуулсан хөдөлмөрийн гэрээ

Компани Хөдөлмөрийн тухай хуулийн дагуу ажилтнуудтайгаа хөдөлмөрийн гэрээ байгуулан ажиллаж байна. Гүйцэтгэх захирлын 2014 оны 01 дүгээр сарын 29-ний өдрийн А/17 дугаар тушаалаар ажилтан, ажил олгогчийн хооронд байгуулсан хөдөлмөрийн гэрээ, Эд хөрөнгийн бүрэн хариуцлагын гэрээг шинэчлэн баталж, нийт 524 ажилтантай хөдөлмөрийн гэрээг шинэчлэн байгуулсан.

ХОЁР: Цалин хөлс

Тус компани нь энэ онд 513 ажилтантай үйл ажиллагаагаа явуулж байна. Ажиллах хүчний 13.6 хувийг Инженер техникийн ажилчид, 86.3 хувийг ажилтан, албан хаагчид бүрдүүлж байна. Ажилчдын цалин хөлсний тогтолцоо нь ажил, албан тушаалын зэрэглэл, цалингийн сүлжээ, бүх төрлийн нэмэгдэл, шагнал урамшуулал зэргээс бүрдэж байна.


Компанийн нийт зардлын 22.2 хувийг цалингийн зардал эзлэж байгаа нь өмнөх оны мөн үетэй харьцуулахад 4.9 функтээр буюу 22.1 хувиар өссөн. Энэ нь 2013 онд нийт ажилчдын цалин хөлсийг 30 хувиар нэмэгдүүлсэнтэй холбоотой юм.



 Тайлбар: цагирагаар дундаж цалинг, баганаар ажиллах хүчний тоог харуулав.


ГУРАВ: Үйлдвэрчний эвлэлийн хороо

Хөдөлмөрлөх эрхээ хэрэгжүүлэх, хууль ёсны ашиг сонирхлоо хамтран хамгаалах зорилгоор 1994 оны 12 дугаар сарын 25-ны өдөр “Шивээ-Овоо” нүүрсний уурхайн хэсэг ажилчдын санаачлагаар анх Үйлдвэрчний эвлэлийн хороог үүсгэн байгуулж, улмаар Хууль зүйн яамны улсын бүртгэлд 1995 оны 4 дүгээр сарын 19-ний өдөр  бүртгүүлэн 1069 тоот гэрчилгээ авснаар Үйлдвэрчний эвлэлийн хороо үйл ажиллагаагаа хуулийн дагуу эхэлж байсан түүхтэй.

Энэ цагаас хойш уурхайн маркшейдер Р.Гомбосүрэн /1995-2006 он/, хөдөлмөр хамгааллын инженер Т.Наранцэцэг /2006-2008 он/, тоо бүртгэгчЖ.Уламбаатар /2008-2011он/, ээлжийн дарга Д.Бадамцэцэг /2011-2013 он/ нар бүх гишүүдийн хурлаас сонгогдон компанийн Үйлдвэрчний эвлэлийн хорооны даргаар ажиллаж байв.

Бүх гишүүдийн 2013 оны 9 дүгээр сарын 13-ны өдрийн хурлаар Д.Одгэрэл ҮЭХ-ны даргаар, Х.Нацагням, С.Лхагвадорж, Ч.Одгэрэл, Б.Лазат, Л.Лхагважав, Т.Баярхүү, Ю.Дэлгэртөгс нар тэргүүлэгч гишүүдээр сонгогдлоо.

ҮЭХ-ны тэргүүлэгчдийн хурлаас ХАБЭА-н итгэмжлэгдсэн төлөөлөгчөөр Ц.Эрдэнэсоёлыг томилов. Мөн ҮЭХ-ны Хянан шалгах зөвлөлийн даргаар С.Одбаяр, нягтлан бодогчоор Л.Одмаа нар ажиллаж байна.

Бидний баримтлан ажиллах эрх зүйн гол бичиг баримт болох “Бага хөдөлмөрийн хууль буюу Хамтын гэрээ”- г шинэчлэн батласны дагуу 2014 оны 1 дүгээр сарын 01-ний өдрөөс мөрдөж эхлэлээ.

БИДНИЙ ЗОРИЛТ: Хөдөлмөрийн хууль, бусад хууль тогтоомжид заасны дагуу нийт уурхайчид, гишүүдийнхээ эрх ашгийг хамгаалах, Хамтын гэрээний хэрэгжилт болон хөдөлмөрийн аюулгүй ажиллагаа, эрүүл ахуйн нөхцөлд тавих Үйлдвэрчний эвлэлийн хяналтыг сайжруулах, хөдөлмөрлөх эрхтэй холбоотой хууль тогтоомжийн заалтыг сурталчлан таниулах, компанийн захиргаатай ажил хэрэгч үр дүнтэй хамтран ажиллах явдал юм.

ДӨРӨВ: Хөдөлмөрийн аюулгүй байдал, эрүүл ахуйн талаар

“Шивээ-Овоо” Хувьцаат компани нь үйл ажиллагаандаа Монгол улсын үндсэн хууль, Хөдөлмөрийн хууль, Хөдөлмөрийн аюулгүй байдал эрүүл ахуйн тухай хууль болон бусад хууль тогтоомжийг эрхэмлэн хариуцлагатай , ил тод байдал, байгаль орчинд ээлтэй үйлдвэрлэлийг дэмжин ажилладаг Монгол улсын үндэсний олборлогч томоохон компанийн нэг билээ.

Хөдөлмөрийн аюулгүй ажиллагааны талаарх бидний алсын хараа нь: “Өдөр бүр хүн болгон ажлаасаа эрүүл, аюулгүй эргэн ирэхүйц осол аваар, өвчлөл, эрсдэлгүй өндөр бүтээмжтэй найдвартай ажлын байр болон шилдэг хамт олныг бий болгох ” явдал юм.

Бүх ажилчид, гэрээт байгууллагууд нь аюулгүй ажиллах мэдлэг, чадвар, хүсэл бүхий тэг хэмжээний осол, авааргүй тэрхүү соёлыг бий болгох үйл ажиллагаа байнга ахин дэвшиж байна. Гэхдээ аюулгүй ажиллагаа нь тоо бус харин хүмүүсийн эрүүл мэнд амь, настай холбоотой асуудал юм. Бидний баримталсан бодлого, хөтөлбөр, зорилт нь үүнд чухал үүрэг гүйцэтгэнэ. Эдгээр нь бидний үйл ажиллагааг ахисан түвшинд хүргэх ч, манай компаанийн ажилчдын дэмжлэггүйгээр  хөдөлмөрийн аюулгүй ажиллагааны алсын хараанд биднийг хөтлөн аваачихгүй билээ.

Хөдөлмөрийн аюулгүй ажиллагааны цогц бодлого, үйл ажиллагааг хэрэгжүүлсэнээр бид эрүүл мэнд, аюулгүй ажиллагааг тэргүүн зэрэгт чухалчлан үзсэн ажлын байр бий болгохоор ажиллаж байна.

“Шивээ-Овоо” Хуьцаат компанийн бүх ажилчид өөрийн эрхэлж буй ажлын хүрээнд аюулгүй ажиллагааны тэргүүн манлайлагч байж, аюулгүй ажиллагаанд хамаарах үүрэг хариуцлагыг бүрэн хүлээдэг хариуцлагтай хамт олон юм.

Ажилчдынхаа эрүүл мэнд сайн сайхныг дэмжин, сайжруулах нь аюулгүй байдлыг хамгаалахтай ижил хэмжээний ач холбогдолтой байдаг учраас ажилчдын эрүүл мэндэд хөрөнгө оруулах нь бидний үйлдвэрлэлийн амжилтын амин чухал хэсэг билээ.

Ажлын байрны нөхцөл мэргэжлээс шалтгаалан үүсч болох өвчлөлийн тохиолдолуудыг багасгах чиглэлээр бид шат дараатай арга хэмжээг авч хэрэгжүүлэн ажиллаж байна. Эрхлэж буй үйлдвэрлэлийн нөхцөл байдлаас хамаарч их хэмжээний утаа, тоос, дуу чимээ, гар ажиллагаа болон доргилтоос үүдэж болох өвчлөлд бид онцгой хяналт тавиж анхаарал хандуулан ажиллаж байна.

ТАВ: Хөдөлмөрийн бүтээмж

Хүний хөгжилд түшиглэн бүтээмж дээшлүүлэх “Шивээ-Овоо” хөтөлбөрийг хэрэгжүүлэх багийн бүрэлдэхүүний Удирдах зөвлөлийн даргаар  Техникийн асуудал эрхэлсэн дэд захирал Х.Халиун, нарийн бичгийн даргаар Захиргаа, хүний нөөцийн бодлогын хэлтсийн Бүтээмжийн мэргэжилтэн Ч.Энхжаргал,  гишүүд     Санхүү, эдийн засгийн хэлтсийн Ерөнхий эдийн засагч Ч.Энхтөр,  Хяналтын хэлтсийн   дарга Ц.ЭрдэнэбатЗахиргаа, хүний нөөцийн бодлогын хэлтсийн сургалтын менежер Г.Надмидсүрэн зэрэг нийт 15 хүний бүрэлдэхүүнтэйгээр үйл ажиллагаагаа явуулж байна.

Гүйцэтгэх захирлын 2014 оны А/78 дугаар тушаалаар 2014 оны Хүний хөгжилд түшиглэн бүтээмж дээшлүүлэх ажлын төлөвлөгөөгөө батлуулан хэрэгжүүлэн ажиллуулж байна.

Үүнд:

1.    Сургалт, ажлын чиглэл

2.    “Чанарын дугуйлан” дэд хөтөлбөрийн хүрээнд хийгдэх ажлууд

3.    “Ажлын байрны соёл 5с” дэд хөтөлбөрийн хүрээнд хийгдэх ажлууд

4.    “Кайзен саналын тогтолцоо буюу сайн саналын систем” дэд хөтөлбөрийн хүрээнд хийгдэх ажлууд

5.    Бусад ажлын хүрээнд хийгдэх ажлууд

2014 оны хүний хөгжилд түшиглэн бүтээмж дээшлүүлэх ажлын төсвөө батлуулан төлөвлөгөөний дагуу ажлууд хийгдэж байна.



 
"Шивээ-Овоо" ХК-ийн Байгаль орчны менежментийн 2019 оны төлөвлөгөө
2019/03/10
"Шивээ-Овоо" ХК-ийн  Байгаль орчны менежментийн 2019 оны төлөвлөгөө танилцуулж байна.
Цааш
"Шивээ овоо" ХК Олон улсын эмэгтэйчүүдийн эрхийг хамгаалах өдрийг амжилттай тэмдэглэн өнгөрүүллээ.
2019/03/09

Олон улсын эмэгтэйчүүдийн өдөр буюу хуучнаар Олон улсын ажилчин эмэгтэйчүүдийн өдөр нь жил бүрийн 3 дугаар сарын 8-ны өдөр болдог бөгөөд Уул уурхай хэмээх хүнд салбарыг сонгон уурхайн хүнд хүчир ажлын голыг нугалалцаж яваа “Шивээ овоо” ХК-ийн эмэгтэй ажилтнуудаа хүлээн авч компанийн захиргаа, АҮЭХ-ноос хамтран "УУРХАЙЧИН БҮСГҮЙЧҮҮД" цэнгүүнийг зохион байгууллаа. Тус компани нь 106 эмэгтэй ажилтантай бөгөөд 2018 онд ажил үйлсээрээ тэргүүлсэн 4 ажилтанг МЭХ-ны “Хүндэт тэмдэг” үнэ бүхий зүйлээр, 8 ажилтанг МЭХ-ны “Дурсгалын тэмдэг” үнэ бүхий зүйлээр шагнав.

          Мөн нийт бүсгүйчүүдийнхээ дунд азын сугалаа явуулж гадаадад аялах эрхээр 4, гэр ахуйн цахилгаан барааны азтангаар 4 бүсгүй тус тус азтан боллоо.

          Цэнгүүнд урилгаар Дорноговь аймгийн “Симба” хамтлаг, “Саран хөхөө” чуулга оролцов.

Ингээд нийт хацар гоо, ухаан төгс  бүсгүйчүүд та бүхэндээ ОУ-ын эмэгтэйчүүдийн эрхийг хамгаалах өдрийн баярын мэндийг дахин хүргэж амьдралд тань аз жаргал сайн сайхан бүхнийг хүсэн ерөөе.

   

"Шивээ-Овоо" ХК-ийн 2019 оны 2 дугаар сарын Уулын ажлын мэдээ
2019/03/04
"Шивээ-Овоо" ХК-йн 2019 оны 02 дугаар сарын Уулын ажлын мэдээг танилцуулж байна.
Цааш
“Шивээ овоо” ХК-ийн “Хаялга спорт клуб”-ийн нэрэмжит боксын өсвөр, залуучуудын олон хотын тэмцээн 2 дугаар сарын 24-ний өдрөөс 4 хоногийн хугацаатай Шивээговь суманд амжилттай болж, өндөрлөлөө.
2019/02/26

       “Шивээ овоо” ХК-ийн  “Хаялга спорт клуб”-ийн нэрэмжит боксын өсвөр, залуучуудын олон хотын тэмцээн  2 дугаар сарын 24-ний өдрөөс 4 хоногийн хугацаатай Шивээговь суманд  амжилттай болж, өндөрлөлөө. Энэ нь манай орон нутагт анх удаа зохиогдож байгаагаараа онцлог байв. Тэмцээнд хот, хөдөөгийн 19 багийн 170 гаруй тамирчид 16жинд өрсөлдлөө.
 Тэмцээний нээлт, хаалтын үйл ажиллагаанд “Шивээ овоо” ХК-ийн гүйцэтгэх удирдлагууд,   Монголын боксын холбооны нарийн бичгийн дарга Ц.Батнасан, Монгол Улсын хөдөлмөрийн баатар П.Сэрдамба, Д.Отгондалай нар оролцож хүндэтгэл үзүүлсэн байна.
Боксынтэмцээнд өрсөлдсөн Л.Зоригтбаатар дасгалжуулагчтай “Хаялга” спорт клубийн баг 49 оноогоор 1 дүгээр байр, А.Гантулга дасгалжуулагчтай “Алдар спорт хороо”-ны баг 45 оноогоор 2 дугаар байр, Ганзориг дасгалжуулагчтай “Ихэр бээлий” баг 43 оноогоор 3 дугаар байр тус тус эзэлсэн бөгөөд “Ихэр бээлий” клубын тамирчин Жанаргуль “Шилдэг тамирчин”, “Шилдэг шүүгч”-ийн шагналаар О.Баянмөнх нар тус тус шалгарсан байна.
 Баг тамирчдынхаа амжилтыг хэвлэл, мэдээллийн хэрэгслээр сурталчлан таниулах үйл ажиллагааг Монголын үндэсний телевиз, ТV9 сувгуудаар  танилцуулан ажиллалаа.


"Шивээ овоо" хувьцаат компани "Мөсний баяр" амжилттай зохион байгууллаа.
2019/02/17
Уурхайчдын болон тэдний гэр бүлийн чөлөөт цагийг зөв боловсон өнгөрүүлэх, ажлын алжаал ядаргааг тайлах, хамт хурд хүч авхаалж самбаа, идэвхтэй оролцоог нэмэгдүүлэхээр нэг өдрийг эрүүл агаарт сайхан өнгөрүүллээ. Цэвэрагаар-байгальд ээлтэй өдөрлөгийн талаар багуудын мэндчилгээ, мөсний  шагай, тэшүүртэй буухиа, олс таталт, мөсний сумо гэсэн дөрвөн төрлөөр зохион байгуулж, нийлбэр дүнгээр эхний 3 байр эзэлсэн хэсэг, албадын хамт олныг шалгаруулж  өргөмжлөл, мөнгөн шагналаартус тус шагналаа

ДД

Тэмцээний төрөл

Байр эзэлсан хэсэг нэгж

 Нэг.Сумо бөх /эр, эм/

    1 

 Нэгдүгээр байр /эр/

 Уулын нэгдсэн хэсэг

    2 

 Хоёрдугаар байр /эр/

 Цахилгаан хангамжийн хэсэг

    3 

 Гуравдугаар байр /эр/

 Автобульдозерын хэсэг

    4 

 Нэгдүгээр байр /эм/

 Уулын нэгдсэн хэсэг

    5 

 Хоёрдугаар байр /эм/

 Цахилгаан хангамжийн хэсэг

    6 

 Гуравдугаар байр /эм/

 Автобульдозерын хэсэг

 Хоёр.Мөсөн дээрх олс таталт /багаар/

    1 

 Нэгдүгээр байр

 Цахилгаан хангамжийн хэсэг

    2 

 Хоёрдугаар байр

 Уулын нэгдсэн хэсэг

    3 

 Гуравдугаар байр

 Аж ахуй үйлчилгээний хэсэг

 Гурав.Тэшүүрийн уралдаан /багаар/

    1 

 Нэгдүгээр байр

 Автобульдозерын хэсэг

    2 

 Хоёрдугаар байр

 Уулын нэгдсэн хэсэг

    3 

 Гуравдугаар байр

 Технологи дамжлагын хэсэг

 Дөрөв.Мөсөн шагай /багаар/

    1 

 Нэгдүгээр байр

 Технологи дамжлагын хэсэг

    2 

 Хоёрдугаар байр

 Автобульдозерын хэсэг

    3 

 Гуравдугаар байр

 Аж ахуй үйлчилгээний хэсэг

 Тав: Багийн нийлбэр дүнгээр

    1 

 Нэгдүгээр байр

 Уулын нэгдсэн хэсэг

    2 

 Хоёрдугаар байр

 Технологи дамжлагын хэсэг

    3 

 Гуравдугаар байр

 Автобульдозерын хэсэг

Тендерийн урилга
2019/02/13

 Шивээ Овоо эрх бүхий тендерт оролцогчдоос Дизель түлш –ыг нийлүүлэх тухай битүүмжилсэн тендер ирүүлэхийг урьж байна.

Цааш
Тендерийн урилга
2019/02/13

 Шивээ Овоо ХК нь эрх бүхий тендерт оролцогчдоос Эмульсийн тэсрэх бодис –ыг нийлүүлэх тухай битүүмжилсэн тендер ирүүлэхийг урьж байна.

Цааш
Тендерийн урилга
2019/02/13

Шивээ Овоо” ХК эрх бүхий тендерт оролцогчдоос Подшипник –ыг нийлүүлэх тухай битүүмжилсэн тендер ирүүлэхийг урьж байна.

Цааш